«Ювентус» ёзда «Сассуоло» ярим ҳимоячиси Давиде Фраттезини сотиб олмоқчи. Бу ҳақда Италия матбуоти хабар бермоқда. Турин клуби футболчи учун Миланнинг «Интер» клуби билан рақотлашишга мажбур бўлади. Сабаби, Давиде «нерадзуррилар»нинг ҳам қизиқишлари доирасида бўлиб туридбди.
Transfermarkt 22 ёшли италиялик футболчини 15 миллион еврога баҳоламоқда. Фраттези жорий мавсум клуб сафида 27 та ўйинда майдонга тушиб, 4 та гол ва 2 та голли узатмани амалга оширди.
Маълумот ўрнида, бугун «Ювентус» Чемпионлар лигаси доирасида «Вильярреал»га қарши майдонга тушади. Учрашув Тошкент вақти билан тунги 01:00да бошланади.