«Манчестер Юнайтед»га қарши Чемпионлар лигаси 1/8 финал учрашуви арафасида «Атлетико» президенти Энрике Сересо Cadena COPE нашрига берган интервьюсида «матрасчилар» бош мураббийи Диего Симеоненинг келажаги ҳақида гапирди.
Испания матбуоти жамоанинг ёмон натижалари туфайли томонлар хайрлашиш қарорига келиши мумкинлигини тахмин қилишаётганди.
«Симеоне клубнинг муҳим бойлиги, биз уни сақлаб қолишимиз керак. Симеоне «Атлетико» мураббийи бўлишни тўхтатиши хаёлимизга ҳам келмаган ва бошқа мураббий излаш, албатта, мантиқсизлик ва инсофсизликдир" - деди Сересо.
