Ҳужумчи Алваро Мората «Ювентус»ни тарк этмоқчи эмас. У Турин клуби унинг трансферини «Атлетико»дан сотиб олишига умид қилмоқда, дея хабар беради журналист Николо Скира.
Жорий мавсумда Мората «Ювентус» сафида барча турнирлар доирасида 33 та ўйинда майдонга тушиб, 8 та гол ва 6 та голли узатмани амалга оширди.
Ҳужумчи ҳуқуқлари «Атлетико»га тегишли. Клублар ўртасидаги ижара шартномаси 2022 йилнинг 30 июнига қадар амал қилади.
Шартномада сотиб олиш суммаси 35 миллион евро қилиб белгиланган. Аммо туринликлар нархни 15-20 миллионга туширмоқчи.
