Россиялик машҳур мураббий Юрий Семин "Рома"нинг ҳужумкор ярим ҳимоячиси Генрих Мхитарян фаолиятини РПЛда давом эттириши мумкинлиги ҳақидаги миш-мишларга муносабат билдирди. Мхитарян Москванинг "Динамо" клубига ўтиши мумкин.
"Мхитарян яхши футболчи. Албатта, РПЛда шундай юқори савиядаги футболчилар ўйнашса ажойиб. Бу ҳамма учун яхши бўлади: мухлислар, ёш футболчилар учун ҳам.
Генрихнинг ёши? Унинг ёши нормал. Фарфан 35 ёшида лиганинг энг яхши ўйинчиларидан бири эди, бу муаммо эмас" деди Семин.
Жорий мавсумда Мхитарян А серияда 24 та ўйинда майдонга тушди. Унинг ҳисобида 3 та гол ва 5 та голли узатма бор.
