Rossiyalik mashhur murabbiy Yuriy Semin "Roma"ning hujumkor yarim himoyachisi Genrix Mxitaryan faoliyatini RPLda davom ettirishi mumkinligi haqidagi mish-mishlarga munosabat bildirdi. Mxitaryan Moskvaning "Dinamo" klubiga o‘tishi mumkin.
"Mxitaryan yaxshi futbolchi. Albatta, RPLda shunday yuqori saviyadagi futbolchilar o‘ynashsa ajoyib. Bu hamma uchun yaxshi bo‘ladi: muxlislar, yosh futbolchilar uchun ham.
Genrixning yoshi? Uning yoshi normal. Farfan 35 yoshida liganing eng yaxshi o‘yinchilaridan biri edi, bu muammo emas" dedi Semin.
Joriy mavsumda Mxitaryan A seriyada 24 ta o‘yinda maydonga tushdi. Uning hisobida 3 ta gol va 5 ta golli uzatma bor.