«Barselona»da markaziy himoyachi pozisiyasini kuchaytirish uchun variantlar qidirishda davom etishmoqda. «Ko‘k-anorranglilar»ning qiziqishlari doirasiga «Portu» sharafini himoya qilayotgan Yakub Kivyor tushib qoldi.

Sport xabariga ko‘ra, «Barselona» polshalik futbolchini yaqinda transferi amalga oshmay qolgan Alessandro Bastoni uchun ancha arzon va universal muqobil sifatida ko‘rmoqda. Kataloniya grandi skautlari Londonning «Arsenal» klubi sobiq a’zosini joriy mavsum davomida kuzatib borishdi. Hozircha muzokaralar olib borilmayapti, chunki Ispaniya chempionlari bor e’tiborini yangi hujumchi sotib olishga qaratgan.

Transfermarkt portalida Yakub Kivyorning narxi — 27 mln yevro. Joriy mavsumda 26 yoshli futbolchi «ajdarlar» safida 39 ta o‘yin o‘tkazib, ikkita assistni o‘z hisobiga yozdirib qo‘ydi.