Туркиянинг "Фенербахче" клуби яримҳимоячи Милош Красични сотиб олиш учун "Ювентус"га расмий таклиф билан чиқмоқчи. Амалга ошиши мумкин бўлган трансфернинг суммаси 11 миллион еврога баҳоланмоқда, дея хабар беради Fanatik.

Эслатиб ўтамиз, ушбу футболчига қишда Санкт-Петербургнинг "Зенит" клуби ҳам қизиқиш билдирган бўлиб, томонлар ўтиш шартларини келиша олмагандилар.

Шу ҳафтада Красичнинг агентларидан бири мавсум охирига етгач унинг "Ювентус"ни тарк этишини айтган эди. Аммо агент серб футболчисининг келгуси фаолиятига доир таклифлар вариантини ошкор қилмаган эди.