«Барселона» «Реал Сосьедад» ҳужумчиси Александр Исакка қизиқиш билдирмоқда.
Аммо Diario Sport маълумотларига кўра, «Барселона»нинг бу йўлда жиддий рақиби бор - бу Лондоннинг «Арсенал» клуби.
Бироқ, лондонликлар худди «Барселона» каби унинг учун дарҳол 80 миллион евро тўлашга тайёр эмас. Бу 22 ёшли швециялик ҳужумчининг шартномасида кўрсатилган товон пули ҳисобланади.
Қизиғи шундаки, Артета Исакни «Барселона»га эндигина кўчиб ўтган Пьер-Эмерик Обамеянгнинг ўрнига ажойиб ўринбосар сифатида кўради.