«Реал» вингери Марко Асенсио ёзда жамоасини ўзгартириши мумкин.
АВС нашри хабарига кўра, «қироллик клуби» ҳужумкор ярим ҳимоячи 2023 йилнинг июнида тугайдиган шартномасини узайтирмаса, уни сотишга тайёр.
Томонлар янги келишув бўйича музокаралар олиб бормоқда, бироқ ҳозирча аниқ тўхтамга келинмаган. 26 ёшли футболчи маошини оширишни талаб қилмоқда.
«Реал Мадрид» ўз навбатида испаниялик футболчига 1 мавсум учун 4,5 миллион евро + 1,5 миллионгача бўлган бонус бермоқчи.
Асенсиога бошқа жамоалардан ҳам таклиф бор. Хусусан, Премьер-лиганинг номи ошкор этилмаган клуби унга йилига 7 миллион евро тўлашга рози.
