«Real» vingeri Marko Asensio yozda jamoasini o‘zgartirishi mumkin.
AVS nashri xabariga ko‘ra, «qirollik klubi» hujumkor yarim himoyachi 2023 yilning iyunida tugaydigan shartnomasini uzaytirmasa, uni sotishga tayyor.
Tomonlar yangi kelishuv bo‘yicha muzokaralar olib bormoqda, biroq hozircha aniq to‘xtamga kelinmagan. 26 yoshli futbolchi maoshini oshirishni talab qilmoqda.
«Real Madrid» o‘z navbatida ispaniyalik futbolchiga 1 mavsum uchun 4,5 million yevro + 1,5 milliongacha bo‘lgan bonus bermoqchi.
Asensioga boshqa jamoalardan ham taklif bor. Xususan, Premyer-liganing nomi oshkor etilmagan klubi unga yiliga 7 million yevro to‘lashga rozi.
