Италия футбол федерацияси "А" Сериянинг 32-турида "Лацио"га қарши ўтган ўйин (2:1) да "Ювентус" фанатларининг ирқчилик оҳангида қўшиқ куйлашгани учун клубга 30 минг евро жарима солди, дея хабар беради Reuters.
Мамлакат футбол мутасаддилари "кекса синьора" раҳбариятини бундай хатти-ҳаракатлар яна такрорланадиган бўлса, клубга нисбатан янада қатъийроқ чоралар қўлланилишини маълум қилишди.
Эслатиб ўтамиз, 2009 йилда туринлик тиффозилар "Интер"нинг қора танли ҳужумчиси марио Балотеллини ҳақорат қилганликлари учун "Ювентус" бир ўйинни мухлисларсиз ўтказган эди.
