Варшавага расмий ташриф билан келган УЕФА президенти Мишель Платини ЕВРО-2012 ташкилотчиларига мезбон стадионлардаги майдон чимини зудлик билан алмаштиришларини буюрди, деб хабар қилмоқда Reuters.
Футбол функционерлари футбол бўйича Европа чемпионати бошланадиган сана — 8 июнгача улгуришлари керак.
Платинининг фикрича, майдон ҳолати терма жамоаларнинг кўрсатадиган ўйинларига заррача таъсир ўтказмайди, бироқ УЕФА стадионлардаги телевизион суратнинг сифатидан мутлақо қониқмаяпти.
Эслатиб ўтамиз, илгарироқ УЕФА президенти Украина меҳмонхоналаридаги хонавайрон қилувчи нархларга норозилик билдирган эди.
