«Интер» спорт директори Беппе Маротта «Брентфорд» ярим ҳимоячиси Кристиан Эриксеннинг майдонга қайтиши мумкинлиги ҳақида гапирди.
«Мен Эриксен учун хурсандман, у кўп нарсаларни бошдан кечирди. Англия Премьер-лигасида унинг фаолиятини давом эттиришга рухсат берувчи қоидалар бор, «Интер» унга фақат муваффақиятли карьера тилаши мумкин. Италияда жуда қаттиқ қоидалар бор, шунинг учун у бу ерда футбол фаолиятини давом эттира олмади», - дея фикр билдиради Маротта.
Охирги марта Эриксен июнь ойида Дания ва Финляндия терма жамоалари ўртасидаги ўйинда майдонга тушган эди.
