Ҳимоячи Давид Алаба ва вингер Гарет Бэйл Испания Ла Лигасининг 26-туридан ўрин олган «Райо Вальекано»га қарши ўйинда «Реал»га ёрдам бера олишмайди. Бу ҳақда ўйинолди матбуот анжуманида «қаймоқранглилар» бош мураббийи Карло Анчелотти маълум қилди.
Италиялик мутахассиснинг сўзларига кўра, ҳар икки футболчининг мушакларида муаммо бор. Шу билан бирга, Бэйл «Реал Сосьедад»га қарши кейинги турдаги ўйинида майдонга тушиши мумкин.
«Райо Вальекано» - «Реал Мадрид» учрашуви 26 февраль куни Мадриддаги «Кампо де Валекас» стадионида Тошкент вақти билан соат 22:30да бошланади.
