Бугун олий лигада 4-тур учрашувлари давом эттирилади.

Бугунги ўйинлар орасида "Навбаҳор"-"Бунёдкор" учрашувига бўлган қизиқиш юқори. Амалдаги чемпион дастлабки сафар учрашувида "Қизилқум" билан беллашиб, дуранг қайд этганди. Иккинчи сафар учрашувида эса наманганликлар ҳам "қалдирғочлар"дан очко тортиб олишадими? Ҳар ҳолда "Қизилқум" уддалаган ишни "Навбаҳор" ҳам уддалашга қодир, назаримизда.

Хабарингиз бор, куни кеча "Навбаҳор"га янги мураббий ташриф буюрди. Гарчи Александр Клименко Мустафо Байрамовга ёрдамчилик қилса-да, натижа учун ўзи жавоб беради. Туркманистонлик мутахассис таркибда катта ўзгариш қилмаса керак. Чунки ҳали жамоани тўлиқ ўрганиб чиқмаган. Лекин қандайдир ўзгаришларни кутиш мумкин.

Бундан ташқари Абдумажид Тоиров ҳам жамоага қайтарилган. "Шўртан" билан ўтган учрашувда сўнг Санжар Асқаралиев ҳамда Абдумажид Тоировлар жамоадан четлатилганди. Лекин ҳозирда икки футболчи ҳам "Навбаҳор"да.

Ҳозирча жорий йилги чемпионатимизда "лочинлар" рақиб дарвозасини ишғол қила олганича йўқ. Балки бу салбий кўрсаткичга "Навбаҳор" бугун барҳам берар? Буларнинг барчасиа 16:30 да бошланадиган учрашувдан сўнг билиб оламиз!

Бугун. 16:30.
«Навбаҳор» (Наманган) – «Бунёдкор» (Тошкент)
Ҳакамлар: М.Исмоилов, А.Усмонов, Н.Тошматов, И.Гормашов
Назоратчи: А.Абдуллаев