«Челси» футболчиси Тимо Вернер Германия Бундеслигасига қайтиши мумкин.
Sky Sports хабарига кўра, ҳужумчи хизматларига Дортмунднинг «Боруссия» клуби қизиқиш билдирмоқда. Қайд этилишича, масала ҳали музокараларгача етиб бормаган. Тўсиқ Вернернинг маоши бўлиши мумкин, у «Челси»да йилига ўн олти миллион евро олади, Дортмундда эса бундай пул йўқ.
25 ёшли германиялик футболчи жорий мавсум «Челси» сафида барча турнирлар доирасида 23 та ўйинда майдонга тушиб, 6 та гол урди ва 2 та голли узатмани амалга оширди.
Transfermarkt портали Тимонинг трансфер қиймати эллик миллион еврога баҳоланмоқда.
