«Ювентус» футболчиси Маттиа де Шильо жамоада қолишни режалаштирмоқда.
Tuttojuve хабарига кўра, италиялик ҳимоячи «Ювентус» билан шартномасини узайтирмоқчи. Туринликлар Маттиага маошини сезиларли даражада камайтирган ҳолда янги шартнома таклиф қилишга тайёр. Ўз навбатида де Шильо клубда ўзини қулай ҳис қилмоқда ва бундай шартларга рози бўлишга тайёр.
29 ёшли ҳимоячи жорий мавсумда «Ювентус» сафида барча турнирларда 20 та ўйинда майдонга тушиб, битта гол урди ва иккита голли узатмани амалга оширди. Де Шильонинг клуб билан шартномаси 2022 йилнинг 30 июнига қадар мўлжалланган ва унинг трансфер қиймати Transfermarkt порталида 6 миллион еврога баҳоланган.
