«Манчестер Юнайтед»нинг португалиялик ҳужумчиси Криштиану Роналду ёзда туманли Альбионни тарк этиб, ватанига қайтиши мумкин.

Хорижлик мутахассислар 37 ёшли португалиялик футболчини қўлга киритиш учун асосий даъвогар сифатида ҳужумчи профессионал фаолиятини бошлаган Лиссабоннинг «Спортинг» клуби эканлигига ишонишмоқда. Таҳлилчилар Роналдунинг «ПСЖ», «Реал» ва «Манчестер Сити»га ўтиши мумкинлигига унчалик ишонишмаяпти.

Эслатиб ўтамиз, жорий мавсумда Криштиану Роналду Англия чемпионатида 23 та учрашув ўтказиб, 9 та гол урган ва 3 та голга ассистентлик қилган.