Доменико Тедеско «Спартак»нинг Европа лигасидаги иштирокидан четлатилиши ҳақида фикр билдирди.
Айни пайтда Тедеско мураббийлик қилаётган Германиянинг "Лейпциг" жамоаси турнирнинг 1/8 финалида Москва клуби билан учрашиши керак эди.
“Мен бу қарорни олқишлайман. ФИФА ва УЕФАнинг шундай қарор қабул қилгани тўғри ва жуда муҳим. Агар миллий ассоциациялар, клублар ва футболчилар қарор қабул қилишса, нотўғри бўларди.
«Спартак»ни яхши биламан. Биз жамоани 12-ўринда қабул қилдик ва кейинги мавсумни иккинчи ўринда якунладик. Жамоа Европа лигасида қийин гуруҳдан чиқиб, 1/8 финалга йўл олди.
Ҳақиқий дўст бўлиб қолган футболчилар ва ходимларга жуда ачинаман. Аммо ўйинларнинг бекор қилинишини тўғри қарор деб биламан”, - деди «қизил-оқлар»нинг собиқ устози.
Кеча "Спартак" Тедескога Европа Лигасида омад тилаганди.
