"Ливерпуль" бош мураббийи Юрген Клопп жамоаси дарвозабони Келлехернинг келажаги ҳақида фикр билдирди.
"Бизга кучли ўринбосар дарвозабон керак, шунинг учун Келлехерни бошқа клубга сотиш ёки ижарага бериш ҳозирча бизнинг режаларимизда эмас. Унинг "Ливерпуль" билан узоқ муддатли шартномаси бор ва у сўнгги пайтларда жиддий ютуқларга эришди", - дея германиялик мутахассиснинг сўзларидан иқтибос келтиради Sky Sports.
Келлехер яқинда Англия Лига кубоги финали қаҳрамонларидан бири бўлди, унда "Ливерпуль" 120 дақиқалик ўйиндан сўнг голсиз дурангдан кейин "Челси"ни пенальтилар сериясида мағлуб этди.
23 ёшли ирландиялик ушбу мавсумда барча турнирларда 8 та ўйин ўтказиб, 7 та гол ўтказиб юборган.