Ярим ҳимоячи Сергей Милинкович-Савич 2022 йилнинг ёзида “Лацио”ни тарк этиши мумкин.
Il Messagero хабарига кўра, 27 ёшли футболчига "Манчестер Юнайтед" ва "Ювентус" клублари қизиқиш билдирмоқда. Шунингдек, серб учун курашга "ПСЖ" ҳам қўшилиши мумкин.
Қайд этилишича, "Лацио" Милинкович-Савични 100 миллион еврога сотишга тайёр.
Футболчининг клуб билан шартномаси 2024 йилнинг 30 июнига қадар амал қилади. Transfermatkt.ru портали футболчининг нархини 70 миллион еврога баҳоламоқда.
Жорий мавсумда ярим ҳимоячи Италия чемпионатининг 26 учрашувида 8 та гол урди ва 8 та голли узатмани амалга оширди.
