Ўтган турда кутилмаганда “Утган”дан мағлубиятга учраб, интригани, шу билан бирга Балотеллини ҳам қайтарган Фергюсон шогирдлари бугун кўтаринки кайфиятда майдонга тушдилар ва жамоадан ҳаммаси жойида эканини исботладилар.
“МЮ”нинг катта ташаббуси остида бошланган ўйиннинг 7-дақиқасидаёқ ҳисоб очилди. Эшли Янг чап қанотдан жарима майдонига кириб бориб, бир нечта ҳимоячини алдаб ўтди ва пенальти ишлади. Янгнинг ўта чиройли йиқилганига ҳакам эътибор қаратмади, ҳақиқатан ҳам, ҳимоячи билан контакт бўлганди. Руни пенальтини аниқ амалга ошириб, ҳисобни очди.
Асосан қанотларга эътибор қаратган мезбонлар ўйин темпини умуман туширмадилар ва бирминҳэмликларнинг кўз очишига йўл қўймадилар. Айниқса Валенсия ўйиннинг энг фаол ўйинчиларидан бири бўлди. Танаффусга яқин иккинчи гол ҳам киритилди. Эвранинг етказиб берган пасини Уэлбек дарвозага киритди.
Иккинчи бўлим ҳам бироз пастроқ темпда бўлса ҳам, мезбонлар ташаббуси остида ўтди. Жароҳатдан сўнг майдонга қайтган Клеверли ва Нанининг ҳам фаол ўйини илиқ таассурот қолдирди. Айнан Нани сўнгги дақиқада чиройли гол киритиб учрашувга нуқта қўйди. Унгача, Валенсия – Руни комбинацияси Уэйннинг мавсумдаги 24-голи билан якунланганди.
Шундай қилиб, “Юнайтед” таъқибчиси билан орадаги фарқни яна 5 тага етказиб олди. Эртага, турнинг яна бир ўйинида бўлиб ўтади, “Арсенал” ўз майдонида “Уиган”ни қабул қилади.
МАНЧЕСТЕР ЮНАЙТЕД – АСТОН ВИЛЛА – 4:0
Голлар: Руни (7, пенальтидан, 74), Уэлбек (43), Нани (90).
Манчестер Юнайтед: Де Хеа, Рафаэл, Ж. Эванс, Рио Фердинанд, Эвра, Скоулз (Клеверли, 78), Кэррик, Эшли Янг (Нани, 61), Валенсия, Уэлбек, Руни (Бербатов, 75).
Астон Вилла: Гивен, Бейкер, Кларк (Хески, 64), Коллинз, Лихай, Гарднер, Бэннан, Хаттон, Айрленд (Каррутерс, 75), Агбонлахор, Вайманн (Нзогбия, 83).
Огоҳлантиришлар: Кэррик (9), Гарднер (38), Скоулз (49), Хаттон (51), Бэннан (90), Нани (90).
