«Лацио» футболчиси Сергей Милинкович-Савич ёзда Италия А сериясини тарк этиши мумкин. Бу ҳақда todofichajes нашри хабар бермоқда.
Манбага кўра, футболчига «ПСЖ» клуби қизиқиш билдирмоқда. Парижликлар «Челси» футболчиси Нгола Канте борасида рад жавобини олгандан сўнг, бор эътиборини серб футболчига қаратади.
«Лацио» футболчини сотишга қарши эмас. Аммо «бургутлар» Савич ортдан камида 80 миллион евро ишлаб олишни мўлжалламоқда.
Маълумот ўрнида, Сергей жорий мавсум «Лацио» сафида А сериянинг26 учрашувида майдонга тушиб, 8 гол ва 8 голли узатма муаллифига айланган.
