Ўзбекистон телевидениесининг «Спорт» канали Осиё чемпионлар лигасида Ўзбекистон шарафини ҳимоя қилаётган клублар иштирокидаги ўйинларни тўғридан-тўғри транслация қилади.
17 апрель куни Ўзбекистон Кубоги соҳиби «Пахтакор» Қатарда «Ал-Араби» меҳмони бўлади. Мазкур ўйин 20:55дан бошлаб тўғридан-тўғри транслация қилинади. Томонларнинг Тошкентда кечган илк ўйинида «пахтакорчилар» 3:1 ҳисобида ғалаба қозонишганди.
18 апрель – чоршанба куни «Насаф» ва «Бунёдкор» клублари майдонга тушади. Тошкент вақти билан 16:55да Миржалол Қосимов мураббийлигидаги «қалдирғочлар»нинг «Гамба Осака»га қарши ўйини старт олади. Японияда бўлиб ўтган дастлабки ўйинда Ўзбекистон чемпиони 1:3 ҳисобида имкониятни бой берганди. Худди шу ҳисобда Қатарнинг «Ар-Райян» клубидан енгилган Қаршининг «Насаф» клуби иштирокидаги жавоб ўйини 19:25да бошланади.