Журналист Фабрицио Романонинг фикрича, «Барселона» «Челси» ҳимоячиси Андреас Кристенсенни сотиб олишга яқин турибди.
Манбага кўра, даниялик билан шартнома 5 йилга имзоланади. Маълум бўлишича, шу ҳафтада янги музокаралар ўтказилиши кутилмоқда. Оғзаки келишувга деярли эришилди, лекин ҳали баъзи нарсаларни келишиб олишга тўғри келади.
«Барса» ўтган йили Жоржиньо Вейналдум билан содир бўлган воқеадан кейин эҳтиёткорлик билан ишлаётгани айтилмоқда.
Кристенсеннинг «Челси» билан шартномаси ёзда тугайди, футболчи қишки трансфер ойнасидан кейин исталган клуб билан музокара олиб бориши мумкин. Олдинроқ Кристенсен Премьер-лига клубларига ўтмоқчи эмаслиги ҳақида маълумотлар пайдо бўлганди.
