Jurnalist Fabrisio Romanoning fikricha, «Barselona» «Chelsi» himoyachisi Andreas Kristensenni sotib olishga yaqin turibdi.

Manbaga ko‘ra, daniyalik bilan shartnoma 5 yilga imzolanadi. Ma’lum bo‘lishicha, shu haftada yangi muzokaralar o‘tkazilishi kutilmoqda. Og‘zaki kelishuvga deyarli erishildi, lekin hali ba’zi narsalarni kelishib olishga to‘g‘ri keladi.

«Barsa» o‘tgan yili Jorjinyo Veynaldum bilan sodir bo‘lgan voqeadan keyin ehtiyotkorlik bilan ishlayotgani aytilmoqda.

Kristensenning «Chelsi» bilan shartnomasi yozda tugaydi, futbolchi qishki transfer oynasidan keyin istalgan klub bilan muzokara olib borishi mumkin. Oldinroq Kristensen Premyer-liga klublariga o‘tmoqchi emasligi haqida ma’lumotlar paydo bo‘lgandi.