"Ливерпуль" бош мураббийи Юрген Клопп жамоасининг Пеп Гвардиола бошчилигидаги "Манчестер Сити" билан рақобати ҳақида ўз фикрлари билан ўртоқлашди.
"Ушбу лига бизга катта қийинчиликларни тақдим этади ва биз уларни қабул қилишни яхши кўрамиз. Ўша ўтган йили, икки-уч йил аввал "Сити" биз бўлмаганда февральгача Премер-лига чемпионлигини белгилаб берган бўларди. Лекин улар биз билан рақобатлашмаганда шунча очко олишларига шубҳа қиламан.
Биз ҳақимизда ҳам шундай дейиш мумкин. Бу мавсумда ҳали кўп ўйинлар бор, келинг, у қандай тугашини кўрамиз", деди немис мураббийи Sky Sports нашрига берган интервьюсида.
28-турдан кейин "Манчестер Сити"да 69 очко, "Ливерпул"да 63 очко бор.