Испаниянинг “Барселона” клуби ҳужумчиси Лионель Месси англиялик оммавий ахборот воситалари ходимларига интервью берди.

Ҳужумчи томонидан киритилган голларда жамоадошларининг ҳиссаси катта экан ва аргентиналик голеодор бунинг учун “Барселона” футболчиларидан қарздорлигини таъкидлади.

“Киритган голларим сони жамоадошларимнинг ажойиб ўйини билан кафолатланади. Мен билан бир қаторда иқтидорли ва мўъжиза яратишга қодир футболчилар тўп суради. Уларнинг иштирокисиз бунчалик кўп ва мунтазам тўп киритиш қўлимдан келмасди. Жамоа билан қўлга киритган ютуқларимиз тўғрисида эса фақатгина профессионал фаолиятимни тугатганимдан сўнг таҳлил қилишим ва баҳо беришим мумкин бўлади. Ҳозирча бўлажак ўйинларга тайёрланишим ва мослашишим керак, холос”, - дейди Месси.