«Бавария», «Ньюкасл», «Манчестер Юнайтед» ва «Арсенал» «Аякс»нинг бразилиялик футболчиси Антонига қизиқиш билдирмоқда. Бу ҳақда журналист Никола Скира ўзининг твиттер саҳифасида маълум қилди.
Манбанинг хабарига кўра, барча клублар 22 ёшли вингерни ёзда ўз сафига қўшиб олмоқчи.
Бразилиялик футболчи «Аякс»га 2020 йилнинг ёзида «Сан-Паулу» клубидан 15 миллион евро эвазига ўтган эди.
Антони жорий мавсумда «Аякс» сафида барча турнирларда 30 та ўйинда майдонга тушиб, 11 та гол урди ва 10 та голли узатмани амалга оширди. Футболчининг нархи 35 млн еврога баҳоланган.