«Bavariya», «Nyukasl», «Manchester Yunayted» va «Arsenal» «Ayaks»ning braziliyalik futbolchisi Antoniga qiziqish bildirmoqda. Bu haqda jurnalist Nikola Skira o‘zining tvitter sahifasida ma’lum qildi.

Manbaning xabariga ko‘ra, barcha klublar 22 yoshli vingerni yozda o‘z safiga qo‘shib olmoqchi.

Braziliyalik futbolchi «Ayaks»ga 2020 yilning yozida «San-Paulu» klubidan 15 million yevro evaziga o‘tgan edi.

Antoni joriy mavsumda «Ayaks» safida barcha turnirlarda 30 ta o‘yinda maydonga tushib, 11 ta gol urdi va 10 ta golli uzatmani amalga oshirdi. Futbolchining narxi 35 mln yevroga baholangan.