Лиссабоннинг «Спортинг» клуби бош мураббийи Рубен Аморим «Манчестер Сити»га қарши Чемпионлар лигаси 1/8 финал жавоб ўйинидан олдинги фикрлари билан ўртоқлашди.
Англияда бўлиб ўтган биринчи ўйинда «шаҳарликлар» 5:0 ҳисобида ғалаба қозонишган.
«Биз ажойиб жамоага қарши ўйнаймиз. Гарчи таркибида йўқотишлар бўлса ҳам, "Сити"да топ жамоаларга қарши ўйнаш учун етарлича ўйинчилар бор. Биз ҳақимизда ҳам шундай дейиш мумкин. Ҳозир биз устида ишлаётган ягона нарса - ўйинчиларнинг жисмоний тайёргарлиги. Уларни барча турнирларда жанг қилиш учун сақлаб қолиш. Тўқнашув тақдири деярли ҳал бўлган бўлсада, олдимизда мақсад бор - ғалаба учун курашиш.
Яхшироқ прессинг қилсак ажойиб бўлади, лекин Эдерсоннинг дарвозасига эмас. Улардан тўпни олиб қўйиш жуда қийин, аммо барибир умид қиламанки, бу ўйинда биз тўпга кўпроқ эгалик қиламиз. Биз тўпсиз яхшироқ ўйнашимиз ва интригани иложи борича узоқроқ ушлаб туришимиз керак - бу футболчиларга мотивация беради», - дея Аморимнинг сўзларидан иқтибос келтирмоқда УЕФА расмий сайти.