Lissabonning «Sporting» klubi bosh murabbiyi Ruben Amorim «Manchester Siti»ga qarshi Chempionlar ligasi 1/8 final javob o‘yinidan oldingi fikrlari bilan o‘rtoqlashdi.

Angliyada bo‘lib o‘tgan birinchi o‘yinda «shaharliklar» 5:0 hisobida g‘alaba qozonishgan.

«Biz ajoyib jamoaga qarshi o‘ynaymiz. Garchi tarkibida yo‘qotishlar bo‘lsa ham, "Siti"da top jamoalarga qarshi o‘ynash uchun yetarlicha o‘yinchilar bor. Biz haqimizda ham shunday deyish mumkin. Hozir biz ustida ishlayotgan yagona narsa - o‘yinchilarning jismoniy tayyorgarligi. Ularni barcha turnirlarda jang qilish uchun saqlab qolish. To‘qnashuv taqdiri deyarli hal bo‘lgan bo‘lsada, oldimizda maqsad bor - g‘alaba uchun kurashish.

Yaxshiroq pressing qilsak ajoyib bo‘ladi, lekin Edersonning darvozasiga emas. Ulardan to‘pni olib qo‘yish juda qiyin, ammo baribir umid qilamanki, bu o‘yinda biz to‘pga ko‘proq egalik qilamiz. Biz to‘psiz yaxshiroq o‘ynashimiz va intrigani iloji boricha uzoqroq ushlab turishimiz kerak - bu futbolchilarga motivasiya beradi», - deya Amorimning so‘zlaridan iqtibos keltirmoqda UYEFA rasmiy sayti.