«Манчестер Сити» устози Хосеп Гвардиола жамоа ҳимоячиси Александр Зинченкони ЕЧЛнинг 1/8 финал жавоб учрашуви доирасида «Спортинг» жамоасига қарши ўйинга тайёргарлиги ҳақида фикр билдирди.

«Украинадаги воқеалар сабабли, ҳозир Зинченко учун осон бўлмаган давр. Бироқ, агар майдонга тушиб ўйнаш керак бўлса, у албатта тайёр бўлади», – испаниялик мураббийнинг сўзларидан иқтибос келтирмоқда BBC Sport.

«Манчестер Сити» – «Спортинг» жамоалари ўртасидаги учрашув бугун тунда бўлиб ўтади. Дастлабки баҳсда "шаҳарликлар" 5:0 ҳисобида ғалаба қозонган.