Италиялик дарвозабон афсонаси Жанлуижи Буффон яқинда «Парма» билан шартномасини 2024 йилгача узайтирди. Ўша пайтда Жижи 46 ёшда бўлади. Хабар берганимиздек, Буффон 50 ёшгача футбол ўйнашга тайёр. Шунингдек, унинг ўзи ҳам эллик йилдан кейин ҳам майдонга тушишини истисно этмаяпти.
- Эллик ёшгача ўйнайсизми? Мен узоқроқ ўйнай оламан. Нима учун кетишим керак? Вазифаларни уддасидан чиқсанг, исталган клубга кераклисан», - дейди Буффон.
Буффон 2006 йилда Италия терма жамоаси билан жаҳон чемпиони бўлган, бутун фаолияти давомида бор-йўғи учта клубда - «Парма», «Ювентус» ва «ПСЖ»да ўйнаган.
