"МЮ"нинг собиқ ҳужумчиси Димитар Бербатов ҳимоячи Гарри Магуайр "манкунианликлар" сардори вазифасини бажара оладими ёки йўқми, шу ҳақда фикр билдирди.

- «Манчестер Юнайтед» таркибида Видич ва Руни каби ҳақиқий етакчилар билан ўйнаганман. Жамоада бирота иш нотўғри бўлса, ҳамма бармоғи билан сардорни кўрсатади.

Магуайр яхшироқ ўйнай олади. У буни билади. Унинг хатолари жамоани бошқариш қобилиятига путур етказди. У жойлашишни аниқлаш ва қарор қабул қилиш устида ишлаши керак.

Босим остида қолиш осон эмас, мен ҳам буни бошдан кечирганман, топ-клубларда ўйнашнинг моҳияти шундан иборат. Бу футболнинг бир қисми, у билан шуғулланиш керак.

Рангник аралашиши мумкин. Балки у Магуайрга дам бериб, бошқа бировга имконият бериши керакдир”, - деди «Манчестер Юнайтед»нинг собиқ ҳужумчиси.