«Челси»нинг 3 футболчиси Андреас Кристенсен, Антонио Рюдигер ва Сесар Аспиликуэта келаси мавсумни янги клубларда бошлашлари мумкин.
Ишончли маълумотларга кўра, Андреас Кристенсен аллақачон «Барселона» билан келишиб олган. Антонио Рюдигернинг келажаги яқин кунларда аниқланади: у ҳозир учта клуб таклифларини кўриб чиқмоқда. Сесар Аспиликуэта Кристенсен каби Каталонияга бориши мумкин - Фабрицио Романо хабар беришича, «Барселона» испаниялик футболчига икки йиллик шартнома таклиф қилган.
Эслатиб ўтамиз, Кристенсен, Рюдигер ва Аспиликуэтанинг «Челси» билан шартномаси шу йилнинг июнигача амал қилади. Учаласида ҳам клубни эркин агент сифатида эркин тарк этиши мумкин.
