Франция терма жамоасининг собиқ ҳужумчиси ЕЧЛ 1/8 финалида «Реал»га қарши ўйинда парижликларнинг мағлубияти (1:3) ҳақида ўз фикрлари билан ўртоқлашди.
“Руҳий жиҳатдан муаммолар юзага келганида "ПСЖ" футболчилари етарлича кучга эга эмас. Бу даҳшатли, аммо мўрт руҳият - уларнинг шахсиятини бир қисмидир. Уларда техника ва жисмоний тайёргарлик бор, лекин менталитет йўқ. Ривожланиш керак, лекин бу содир бўлмаяпти.
Маблағнинг борлиги яхши. Лекин бизга клубга қўшилган янги футболчиларга парижлик менталитетни сингдира оладиган инсонлар ҳам керак. Ўйинчиларни таклиф қилишнинг бошқа мезонлари ҳақида ҳам ўйлаб кўриш керак. "ПСЖ"га ўтган футболчида маълум психологик фазилатлар бўлиши керак", - дейди Анелка.
