SPORT нашри хабарига кўра, «Барселона» «Лидс» футболчиси Рафинья учун 40 миллион евро тўлашга тайёр.
Футболчининг шартномаси 2024 йилда якунига етади. «Лидс»нинг Премьер-лигадан тушиб кетиш имконияти борлигини инобатга олсак, Рафинья ёздаёқ клубни тарк этишни исташи мумкин.
Ҳозир 25 ёшли футболчи бошқа клублардан тушган таклифларни кўриб чиқмоқда ва «Лидс» билан янги шартнома имзолашга шошилмаяпти.
Қайд этилишича, Премьер-лигада ўйнаш бразилиялик учун доимо устувор мақсад бўлиб келган, бироқ у юқори ютуқлар учун курашаётган бошқа клублар вариантларини кўриб чиқишга тайёр.
«Лидс» Премьер-лигадан тушиб кетган тақдирда, Рафиньянинг нархи сезиларли даражада арзонлашиши мумкин.
