"Арсенал" мухлиси, британиялик машҳур журналист Пирс Морган Микель Артета ўрнига Томас Тухелни олиб келиш керак деб ҳисобламоқда. У шундай деб твит ёзади:
"Ҳозир "Арсенал" Томас Тухелни олиб келиши керак бўлган пайт. Биз бундай қилмаймиз. Аммо қилишимиз керак. Мен ҳиссиётлардан кўра, фактларга эътибор қаратаман. Артета 2 йил давомида ишлади. Унинг жамоаси Европа турнирларида қатнашмаяпти.
Январь ойида эса кубок баҳсларидан чиқиб кетди. Айни дамда эса АПЛ етакчиларидан 21 очко ортда бормоқда. Артета деб энг зўр ҳужумчимиздан айрилдик, Обамеянг "Барса"да нималар қилаётганини ҳамма билади. Тухель эса "Арсенал"ни ҳар қайси мусобақада чемпион қилишга қодир деб ўйлайман".
