Матч ТВ телеканали яна иккита Европа чемпионатлари ўйинларини кўрсатиш ҳуқуқидан маҳрум бўлди. Аввалроқ, Франция 1 Лигаси Россия канали билан келишувни бекор қилган, кейин Англия премьер-лигаси келаси мавсум бошланиши керак бўлган ҳамкорликдан бош тортганди. Эндиликда Матч ТВ бош директори Александр Ташин бундан буён Португалия ва Шотландия Премьер-лигаси ўйинларини каналда кўриш имкони бўлмаслигини маълум қилди.
"Португалия ва Шотландия Премьер-лигаси Матч ТВ телеканалини телекўрсатувлар бўйича амалдаги шартномалар тўхтатилгани ҳақида хабардор қилди", - деб ёзди Александр Ташин.
Эслатиб ўтамиз, кўплаб хорижий компаниялар ва федерациялар Украинадаги воқеалар туфайли россиялик ҳамкасблари билан ҳамкорликни тўхтатмоқда.
