Леонардо мавсум охирида "ПСЖ" спорт директори лавозимини тарк этиши мумкин.
Клуб президенти Носир Ал-Хелайфий бразилиялик мутахассис олиб келган айрим футболчиларининг ўйинидан норози.
Парижликлар мавсум оралиғида таркибни жиддий равишда кучайтирдилар, аммо ЕЧЛ 1/8 финал босқичидаёқ "Реал"га ютқазиб, Чемпионлар лигасидан чиқиб кетишди.
Шунингдек, Килиан Мбаппенинг шартномаси билан боғлиқ вазият Леонардо билан ҳамкорликни давом эттирмаслик қарорига таъсир қилган.
Ёзда франциялик футболчининг шартномаси тугайди. Катта эҳтимол билан у "Реал" билан шартнома имзолайди.
Олдинроқ "Тоттенхэм"дан Фабио Паратичи "ПСЖ"нинг янги спорт директори лавозимига даъвогарлик қилаётгани маълум бўлганди.
