Бугун тунда Европа лигаси ярим финал баҳсларига ҳам старт берилишидан хабарингиз бор. Шу муносабат билан ҳар иккала жамоа бош мураббийлари ўйиндан олдинги матбуот анжуманида, кутилажак баҳслар ҳақида ўз фикрларини билдириб ўтишди.
Испаниянинг учта жамоаси орасида ягона португал жамоаси, Лиссабоннинг "Спортинг" клуби бош мураббийи Рикардо Са Пинту, ўйиндан олдин рақиби имкониятларига жуда юқори баҳо берди.
"Марсело Бьелса ажойиб жамоа туза олганлигининг гувоҳи бўлиб турибмиз. Уларнинг ўйини ҳақида кўпчилик жуда илиқ фикрда. Чунки жамоанинг ўйини, услуби ҳудди "Барселона"нинг ўйин услубини, уларнинг ҳатти-ҳаракатларини эслатиб юборади.
Бу фикрга қўшиламан. Сабаби, "Атлетик" ҳам тўп билан кўпроқ муомалада бўлишга ҳаракат қилади. Жуда кўплаб ҳужумлар уюштира оладиган жамоа. Ҳимоядан ҳужумга ўтиш ҳамда жамоавий прессинг қўллашда ҳам, жамоа жуда яхши шаклланган., дея қўшимча қилди, лиссбонликлар устози.
"Матбуотда ҳамма аллақачон "Атлетик"ни финал иштирокчисига айлантириб қўйган. Улар фаворитми? Балки..Аммо биз "Спортинг"миз! - Ортимизда 106 йиллик шонли тарих ва еврокубокларда йиллар давомида тўплаган бой тажрибамиз бор. Биз барча рақибларимизни ҳурмат қиламиз, аммо уларнинг ҳеч биридан қўрқмаймиз", дея Са Пинтунинг сўзларидан парча келтирмоқда УЕФА расмий сайти.
