«Челси» ва Италия терма жамоаси чап қанот ҳимоячиси Эмерсон Палмьери «Ювентус»га ўтиши мумкин.
27 ёшли футболчи жорий мавсумни ижара асосида «Лион»да ўтказмоқда. Франция клуби италияликни сотиб олиш имкониятига эга, аммо «Ювентус» вазиятга аралашиши мумкин. Tuttosport нашри хабарига кўра, Турин клуби футболчини сотиб олиш имкониятини кўриб чиқмоқда.
Эмерсоннинг Лондоннинг «Челси» клуби билан шартномаси 2024 йилгача мўлжалланган. «Лион» таркибида италиялик футболчи 26 та ўйин ўтказиб, 2 та гол ва 1 та голли узатмани амалга оширди.