Олий ва Ёшлар лигаларида 5-тур учрашувларининг бошланиш вақти маълум бўлди.

Олий лигада тур ўйинлари 21 апрель куни Самарқанд ва Бекобод шаҳарларида старт олади. Шанба кунига 3та ўйин тайин қилинган. Якшанба куни яна шунча ўйин мухлислар эътиборига ҳавола қилинади.

«Насаф» ва «Нефтчи» клублари ўртасидаги 3-тур ўйини фарғоналикларнинг ОФК Кубогидаги иштироки сабаб номаълум муддатга қолдирилганди. Энди бу ҳол «Нефтчи» ва «Пахтакор» ўйинида ҳам такрорланади.

Ўзбекистон телевидениесининг «Спорт» канали 5-турнинг 2та ўйинини трансляция қилишни режалаштирган. 22 апрель куни Тошкентда бўлиб ўтадиган «Бунёдкор» ва «Локомотив» клублари иштирокидаги пойтахт дербиси тўғридан-тўғри олиб кўрсатилса, шу куни Қаршида бўлиб ўтадиган «Насаф» ва «Андижон» клублари ўйини 22:00да ёзиб олинган ҳолда намойиш этилади.  
 
ОЛИЙ ЛИГА. 5-ТУР ЎЙИНЛАРИ
(Изоҳ: қавс ичида ёшлар биринчилиги ўйинлари бошланиш вақт кўрсатилган. Улар асосий ўйиндан бир кун аввал ўтказилади)

21 апрель (20 апрель)
Металлург – Навбаҳор - 17:00 (16:30)   
Бухоро – Шўртан - 17:30 (17:30)   
Динамо – Машъал - 17:00 (17:00)   

22 апрель (21 апрель)     
Бунёдкор – Локомотив - 18:00 (17:00) -  SPORT TV (жонли эфир)
Олмалиқ – Қизилқум - 17:00 (16:00)
Насаф – Андижон - 18:30 (17:00) - SPORT TV (22:00да ёзиб олинган ҳолда)

Нефтчи – Пахтакор. Ўйин «Нефтчи»нинг 24 апрель ОФК Кубоги доирасидаги ўйини сабаб номаълум муддатга қолдирилган.