Чемпионлар лигаси ярим финал биринчи учрашувида "Реал" устидан қозонилган ғалабадан сўнг "Бавария"нинг икки яримҳимоячиси Франк Рибери ва Арьен Роббен ўзаро жанжаллашиб қолдилар.

Bildнинг хабар беришича, келишмовчилик ўйин пайтида икки юлдузнинг белгиланган жарима тўпини ким тепиши ҳал қила олмаганларидан бошланган ва ечиниш хонасида давом этган. Натижада жамоадошлари уларни ажратишларига тўғри келган ва франциялик билан голландиялик тезда ўзларини босиб олганлар.

Эртаси куни клуб раҳбарияти бу икки футболчи билан учрашиб, бундай қилиш яхши эмаслиги уқтирилган.