Испаниянинг «Бетис» клуби бразилиялик Луис Энрике билан шартнома имзолади. Бу ҳақда Бразилиянинг «Флуминенсе» клуби президенти Марио Биттенкур хабар тарқатмоқда.
Футболчи янги жамоасига ёзда келиб қўшилади, ўшанда «Флуминенсе» Либертадорес Кубогидаги иштирокини якунлайди. «Бетис» ушбу ҳужумчининг трансфери учун 13 миллион евро сарфлади.
21 ёшли футболчи «Флуминенсе» клубида 11 ёшдан бери ўйнаб келади. У асосий жамоадаги дастлабки учрашувини 2020 йили «Палмейрас» жамоасига қарши ўйинда ўтказганди ва захирадан майдонга тушганди. Унинг амалдаги шартномаси 2025 йилнинг ёзигача амал қиларди.
