"Рома" яримҳимоячиси Франческо Тотти клубга содиқлиги, келажакдаги режалари ва римликларнинг бош мураббийи Луис Энрике билан муносабатлари ҳақида гапириб берди.

"Рома" таркибида қўлга киритилган скудетто мен учун Жаҳон чемпионати олтин медалидан ҳам афзалроқ. Чунки жонажон клубим билан соврин ютишдан келадиган хурсандчиликни бошқа ҳеч нарсага қиёсалаб бўлмайди.

Мен Римда туғилганман ва Римга тегишлиман. Қайсидир клубга ўтиш учун менда жуда кўп имконият бўган, лекин доим фақат бир клуб либосини кийишимни такрорлаб келганман – ўзимни бошқа клуб либосида асло тасаввур қила олмайман. "Рома"дан бошқа клубга ўтишга рози бўлсам, буни фарзандимга қандай тушунтираман? Бу рангларга бўлган меҳрим барча таклифларни рад этишга рағбатлантирган ва бундан асло афсус чекмайман.

Жорий мавсум биз учун янги мураббийнинг келиши билан боғлиқ қийинчиликлар юз берди. Аввалига орамизда кичик зиддият рўй берди, агар майдонга тушмас экансак бу ҳол нормал ҳолат ҳисобланади. Сўнг мен мунтазам ўйнай бошладим ва ҳаммаси жойига тушиб кетди.

Луис Энрикеда ўзининг ўйин фалсафаси бор. У итальян футболига янги стилни олиб кирмоқчи. Бу менга ёқяпти. Ишонаманки, яқинда унинг янги тизими ўз меваларини бера бошлайди.

Келажагим? "Рома" билан шартномам яна икки ўз кучида бўлади. Агар жисмоний ҳолатим йўл берса қирқ ёшимгача ўйнашни хоҳлайман, лекин бу шунчаки истак, холос", — дея  Ческо сўзларини келтирмоқда La Gazzeta dello Sport.