Кириш Регистрация
28/03 19:00 Динамо - Металлург
29/03 19:00 ОКМК - Бунёдкор
29/03 19:15 Қизилқум - Локомотив

Тўқсонинчи йиллар модаси. Ташқи кўриниши билан машҳур бўлган юлдузлар

Баҳо:
+ | -

 Футболчиларни нафақат майдондаги ўйинлари, балки жанжаллар, оригинал соч турмаги, мода либослари ва бошқа кўплаб нарсалар билан ҳам мухлислар эслаб қолишган.  Ранг-баранг либослар, сочларни бўяш футболда 21 асрда эмас, балки 90 йилларда пайдо бўлган. Қуйида 20 асрнинг сўнгги ўн йиллигидаги ташқи кўриниши энг ёрқин футболчилар рўйхати келтирилган.

Карлос Вальдеррама

Колумбиялик ярим ҳимоячи фаолиятининг асосий қисмини миллий чемпионат ва МЛСда ўтказган. Европада Вальдеррама фақат “Монпелье”да ўз изини қолдирди, у билан Франция кубогини қўлга киритди. Карлос "Вальядолид" билан муваффақиятга эриша олмаган.

Колумбия терма жамоаси сардори 17 ёшида чиройли сочларини ўстира бошлаган. Энди фақат "Манчестер Юнайтед"дан Тахит Чонг худди шундай соч турмаги билан мақтана олади. Шуни таъкидлаш керакки, Карлос сочларини бўямаган ва умуман олганда у табиий сарғиш.

Вальдерраманинг ўзи ҳам соч турмагидан ташқари майдонни ажойиб кўриши билан машҳур. 1990 йилда Италияда бўлиб ўтган жаҳон чемпионатида Карлос Колумбия термаси билан бирга 1/8 финалга чиқди. Италиядаги жаҳон чемпионати вақтида улар Карлоснинг соч турмагидан нусха кўчирадиган парикларни сота бошладилар. Италиядаги натижа 2014 йилга қадар Колумбия терма жамоаси тарихидаги жаҳон чемпионатидаги энг яхшиси бўлиб қолди.

Алекси Лалас

Америкалик ҳимоячи АҚШ терма жамоаси сафида 100 га яқин ўйин ўтказган. 22 ёшида Лалас Лондоннинг "Арсенал" клуби билан шартнома имзолаши мумкин эди, аммо тақдир уни Италиянинг "Падова" клубига олиб келди ва бу футболчининг фаолиятидаги илк йирик клубига айланди.

Футболчининг қизил сочи ва соқоли ҳар қандай мухлиснинг эътиборини тортган биринчи нарса. Аслида, Лалас футболчи бўлмаслиги мумкин эди: Алекси болалигида ҳам хоккей ўйнаган ва шу қадар истиқболли ўйинчи бўлганки, у ҳатто Онтарио хоккей лигасига чақирилган.

Лалас кўп қиррали одам. Футбол ва хоккейдан ташқари, америкалик ўзини кино саноатида синаб кўришга муваффақ бўлди ва 11 та телекўрсатувда рол ўйнади. Фаолиятини якунлаганидан сўнг, у "Сан-Хосе Эрквейкс", "Нью-Йорк Ред Буллз", "Лос-Анжелес Гелакси" каби клубларда президент ва бош менежер сифатида ишлашга муваффақ бўлди.

Ҳозир Лалас Америка телевидениесида шарҳловчи ва таҳлилчи бўлиб ишлайди.

Рене Игита

Рене Игита, акробат услубда тўпларни тўпиғи билан қайтарган дарвозабон.

Игита ҳам дарвозабон сифатидаги фаолиятида 40 дан ортиқ гол урган. Умуман олганда, Рене футбол учун ноодатий иқтидор эгаси бўлган. Тўпларни қайтаришнинг ғайриоддий қобилияти ва супер кўрсаткичидан ташқари, Игита қуйидагилар билан машҳур.

· 1989 йилги Либертадорес кубоги финалида у пенальтилар сериясида тўққизта зарбадан тўрттасини қайтарган.

· 1990 йилда у Жанубий Американинг энг яхши футболчиси сифатида тан олинган.

· 1992 йилда у Колумбия президенти бўлиши мумкин эди.

· У етти ой қамоқда ўтирди, шу сабабли 1994 йилги жаҳон чемпионатини ўтказиб юборди.

2005 йилда у пластик жарроҳлик амалиётини ўтказди.

Ҳозирда Игита Саудия Арабистонининг “Ал-Наср” клубида дарвозабонлар мураббийи бўлиб ишлайди.

 Эдгар Девидс

 Девидснинг карьераси рўйхатнинг бошида бўлганларга қараганда анча муваффақиятли ривожланди. У "Аякс", "Милан", "Ювентус", "Барселона", "Интер", "Тоттенхэм" каби клубларда ўйнаган.

Футбол олами Девидсни майдонга махсус кўзойнакда кирган футболчи сифатида эслайди. Улар кўриш бузилиши (глаукома) туфайли футболчи учун зарур эди. Умуман олганда, Девидс ФИФА томонидан кўзойнак тақишга рухсат берилган дунёдаги ягона футболчи. Кўзойнаклар ва ташқи кўриниш туфайли ўйинчи кўплаб тахаллусларни олди: "Питбулл", "Пиранҳа", "Предатор", "Буллдог".

Эдгар "Аякс" ва "Ювентус" билан уч карра чемпион бўлди. 1995 йилда ҳам Чемпионлар лигасида ғолиб чиққан. У 2013 йилда мавсумдаги учинчи қизил карточкасини олиб, профессионал фаолиятини якунлади.

Хорхе Кампос

Кампос Мексикадаги энг кўзга кўринган футболчилардан бири. Фақатгина терма жамоа таркибида дарвозабон 130 та ўйин ўтказган ва учта жаҳон чемпионатида иштирок этган. Хорхе ўз фаолиятининг катта қисмини ўзининг туғилган клуби УНАМ Пумасда ўтказди ва у ўзининг 10 йилдан кўпроқ фаолиятини бу клубга бағишлади.

Хорхенинг ўзи паст бўйли (168 см) ва ранг-баранг дарвозабонлар либоси билан кўпчиликнинг хотирасида қолган. Кампос шунчалик узоқ фаолиятига қарамай, терма жамоа билан ҳеч қачон соврин ютмаган. Аммо бу дарвозабонни беш марта Мексиканинг энг яхши дарвозабони бўлишига тўсқинлик қилмади.

2004 йилда нафақага чиққанидан сўнг, Кампос Германияда бўлиб ўтган жаҳон чемпионатида Мексика терма жамоасида Рикардо Лавольпенинг ёрдамчисига айланди. Ҳозир Кампос Мексика телевидениесида спорт журналисти бўлиб ишлайди ва ўз бизнесига эга.

Тарибо Уэст

Уэст ўз фаолиятини она юртида бошлаган, аммо 19 ёшида у Францияга кўчиб ўтган. Биринчи мавсумда Тарибо ўзини ажойиб кўрсатди ва 1994 йилда Жаҳон чемпионатида ўйнади.

Уэст фаолияти давомида футболчининг ёши нотўғри кўрсатилиши ҳақида кўп гапирилган. 2013 йил апрель ойида FootballItalyинтервьюсини эълон қилди, унда нигериялик 2002 йилдан 2004 йилгача бўлган даврни ўтказган "Партизан"нинг собиқ раҳбари шундай деди:

"Тарибо бизнинг клубга ўтганида, у ўзи айтганидек 28 ёшда эмас, балки 40 ёшда эди. Биз бу ҳақда бироздан кейин билиб олдик, лекин жуда хафа бўлмадик, чунки Уэст клубимизда ажойиб ўйнади". (Бизнинг Анвар Ғофуров ҳижолат бўлмаса ҳам бўлади)

Италияда нигерияликнинг ёши узоқ вақт давомида муҳокама қилинди, аммо кўпчилик бу маълумотга ишонишдан бош тортди.

Руд Гуллит

Умуман олганда, дредлокс қилиш модаси 70 йилларда пайдо бўлган. Ушбу соч турмагининг асосчиси ямайкалик мусиқачиси Боб Марли эди.  Гуллит футбол билан бир қаторда мусиқа билан ҳам шуғулланган, шунинг учун у ямайкалик ижрочига тақлид қилган.

 Руд футболчилик фаолиятининг катта қисмини Голландия ва Италияда ўтказган. 1987 йилда Гуллит "Олтин тўп"ни қўлга киритган. Ҳозир Руд ўз мамлакати терма жамоасида ёрдамчи мураббий ҳисобланади.

1998 йилги жаҳон чемпионатида руминиялик футболчилар

1994 йилда Руминия терма жамоаси АҚШда бўлиб ўтган жаҳон чемпионатида чорак финалгача етиб борди. Бу мамлакат тарихидаги энг яхши натижадир.

Тўрт йил ўтиб, Ҳаджи жамоаси ғалабали сериясини давом эттиришни чиндан ҳам хоҳлади, шунинг учун гуруҳ босқичида Англия ва Колумбияни мағлуб этгандан сўнг, руминияликлар омад тилаб, сочларини сариқ рангга бўяшга қарор қилишди. Бундай ажойиб ғояни кейинчалик Россиянинг бир нечта клубларига устозлик қилган Ден Петреску таклиф қилган.

Афсуски, Руминия терма жамоаси учун бу омадсиз бўлиб чиқди. Кўринишини ўзгартирган жамоа Тунис билан дуранг ўйнади ва 1/8 финал босқичида хорватларга мағлуб бўлди.

Миржалол Пардабоев тайёрлади.

Манба: www.stadion.uz.
Киритилди: 21:35, 15.03.2022.
Ўқилди: 4046 марта.
Фикрлар: 0 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.