Мадриднинг "Реал" клуби ўнг қанот ҳимоячиси Трент Александр-Арнольднинг жароҳати жиддий бўлиб чиқди.
Чоршанба куни англиялик футболчи "қаймоқранглилар" сафида Бильбаонинг "Атлетик" клубига қарши баҳсда (3:0) асосий таркибда майдонга тушди. Учрашувнинг 7-дақиқасида "Ливерпуль" тарбияланувчиси Килиан Мбаппега ассистентлик қилди, аммо 55-дақиқада жароҳат туфайли майдонни тарк этишга мажбур бўлди. Журналист Хосе Луис Санчеснинг ёзишича, 27 ёшли футболчининг жароҳати анча жиддий кўринмоқда - у катта эҳтимол билан бу йил бошқа майдонга тушмайди.
Трент июнь ойида "Реал"га ўтганди. Жорий мавсумда Мадрид грандининг юлдуз янги футболчиси 11 та ўйинда майдонга тушиб, 1 та голли узатмани амалга оширди.
