"Милан" ярим ҳимоячиси Франк Кессье ёзда "Барселона"га ўтади. Бу ҳақида Mundo Deportivo хабар бермоқда.
Шу ҳафтада Каталония клуби 25 ёшли ярим ҳимоячи билан трансфер бўйича келишиб олгани ҳақида маълумот пайдо бўлди.
Кот-дИвуарлик футболчининг "россонерилар" билан шартномаси мавсум охирида тугайди ва у эркин агентга айланади.
Маълум бўлишича, Кессьенинг "Барса"га ўтишида Хави муҳим рол ўйнади. "Кўк-анорранглилар" бош мураббийи футболчи билан телефон орқали гаплашиб, уни клубга ўтишга кўндирган.
Каталония жамоасига ўтиш учун ярим ҳимоячи АПЛнинг юқори маошли бир қанча таклифларини рад этди, дея қўшимча қилган манба.
